Kujdes i specializuar për çdo moshë
Shërbim
Ortopedi
01 / Ortopedi
Kujdes ortopedik
Për lëvizje më të lirë, me kujdes të specializuar.
Dhimbja në kyçe, në shpinë apo në muskuj e vështirëson edhe lëvizjen më të thjeshtë. Çdo vizitë fillon me një ekzaminim të kujdesshëm dhe një bisedë të qetë, që ta kuptojmë saktë shqetësimin tuaj.
Pas diagnostikimit, hartojmë një plan trajtimi të përshtatur për ju dhe ju qëndrojmë pranë hap pas hapi, deri në rikthimin e lëvizjes së lirë.
- Ekzaminim
- Diagnostikim
- Trajtim
- Rehabilitim
Kur të na vizitoni
- Dhimbje në kyçe, në gjunjë ose në shpinë
- Lëndime, ndrydhje dhe dëmtime gjatë sportit
- Shqetësime me qëndrimin dhe ecjen te fëmijët
- Kontroll dhe përcjellje pas trajtimit
Shërbim
Pediatri
02 / Pediatri
Pediatria me përkushtim
Kujdes i afërt për më të vegjlit.
Fëmijët meritojnë një mjek që i dëgjon me durim dhe një hapësirë ku ndihen të sigurt. Dhoma jonë pediatrike, me pyllin e pikturuar dhe kafshët e vogla në mure, është krijuar që vizita te mjeku të jetë sa më e qetë.
Nga kontrollat e rregullta deri te këshillat për prindërit, e ndjekim rritjen e fëmijës suaj me kujdes dhe vazhdimësi.
- Kontrolla rutinë
- Këshillim pediatrik
- Përcjellje e zhvillimit
- Ambient miqësor
Kur të na vizitoni
- Kontrolla të rregullta të rritjes dhe zhvillimit
- Temperaturë, kollë dhe sëmundje të zakonshme të fëmijërisë
- Këshilla për ushqyerjen, gjumin dhe kujdesin e përditshëm
- Çdo pyetje që keni si prind për shëndetin e fëmijës
Shërbim i ri
Pulmologji
03 / Pulmologji
Pulmologji për çdo moshë
Kujdes i specializuar për shëndetin respirator të fëmijëve dhe të rriturve.
Kolla e vazhdueshme, vështirësitë në frymëmarrje dhe shqetësimet e mushkërive kërkojnë vëmendjen e duhur.
Me shërbimin tonë të ri ofrojmë kujdes të specializuar për fëmijë dhe të rritur, me vlerësim të frymëmarrjes, këshillim dhe kontroll të rregullt. Më shumë shërbime, më pranë nevojave tuaja.
- Vlerësim i frymëmarrjes
- Këshillim për probleme respiratore
- Përcjellje dhe kontroll i rregullt
- Kujdes i sigurt për gjithë familjen
Probleme që trajtojmë
- Astma bronkiale dhe bronkiti
- Kolla e zgjatur dhe vështirësitë në frymëmarrje
- Infeksionet e rrugëve të frymëmarrjes
- Sëmundjet kronike të mushkërive
Shërbim
Baby Spa
04 / Baby Spa
Baby Spa
Momente të qeta për foshnjën, kujdes i butë për ju.
Uji i ngrohtë dhe prekja e butë janë ndër mënyrat më natyrale për t'i dhënë foshnjës qetësi. Gjatë seancës, foshnja lëviz lirshëm, ndërsa ju e shijoni çdo moment pranë saj.
Seancat zhvillohen në një ambient të pastër e të ngrohtë, me kujdes të veçantë për rehatinë dhe sigurinë e më të vegjëlve. Na telefononi për të mësuar më shumë për seancat dhe moshën e përshtatshme.
- Relaksim në ujë të ngrohtë
- Masazh i butë
- Ambient i pastër
- Prindërit pranë foshnjës
Pse e zgjedhin prindërit
- Një moment qetësie për foshnjën
- Lëvizje e lirë dhe e sigurt në ujë
- Prekje e butë që forcon lidhjen me prindin
- Ambient i ngrohtë, i pastër dhe miqësor
Caktoni vizitën
Nuk jeni të sigurt cili shërbim ju duhet?
Na telefononi ose na shkruani shkurt shqetësimin tuaj. Ju orientojmë me kënaqësi drejt kujdesit të duhur.